17.1.2. በትራይካስፒድ በር ላይ የሚከሰቱ የጤና ችግሮች (Tricuspid valve problems)
በትራይካስፒድ በር ላይ የሚክሰቱ የጤና ችግሮች ከሌሎች በልብ በሮች ላይ ከሚከሰቱ የልብ የጤና ችግሮች ጋር ሲነጻጻር የመከሰት እድሎ በጣም አነስተኛ ነው። በትራይካስፒድ በር ላይ የሚከሰቱ የልብ የጤና ችግሮች ብዙሁን ግዜ የሚከሰቱት ከሌሎች የጤና ችግሮች ጋር በተገናኘ ነው።
ከስትሪፕቶኮካል ባክቲሪያ ኢንፌክሽን ጋር በተገናኘ በሰውነት የበሽታ መከላኪያ ፕሮቲኖች የተነሳ በልብ በሮች ላይ የሚክሰት ጉዳት እንዲሁም በተለያዩ የጤና ችግሮች የተነሳ የቀኝ ቬንትሪክል ከመጠን በላይ እንዲለጠጥ ወይም እንዲሰፋ የሚያደርጉ የጤና ችግሮች ዋንኞቹ በትራይካስፒድ በር ላይ ጉዳት እንዲከሰት የሚያደርጉ የጤና ችግሮች ናቸው። በትራይካስፒድ በር ላይ የሚከሰቱ ጉዳቶች የትራይካስፒድ በር መጥበብ ወይም የትራይካስፒድ መዘጋት አለመቻል የልብ የጤና ችግር ሊያስከትሉ ይችላሉ።